Ambani fapate inneihnaah CM

India leh Asia rama hausa ber Mukesh Ambani fapa Anant Ambani leh Radikha Merchant-te nimina Mumbai-a an inneihnaah sawm a nih angin chief minister Lalduhoma a tel.

Ambani chhungkua hian Chief Minister-in Mumbai a pan­na atan Lengpuiah private jet an rawn tir a, nimin chawhma lam khan Lengpui Airport aṭangin Mumbai a pan. Chief Minister hian a tute pathum a hruai a ni.

Ruahmanna an siam dan chuan Lalduhomate hian private jet vêk hian July 15, 2024 hian Mizoram an rawn pan ang. An kalna senso bakah ṭul dangte hi Ambani-te chhungkuain an tumsak vek.