Vote thlak a him ngei tih inhrilh tam leh vote thlâk tura insawm uar an rêl

Serchhip bawrhsap Kumar Abhishek hoin nimin khan DC Meeting Hall-ah Serchhipa tlawm­ngai pawl hrang hrang leh MJA hotute'n VC inthlan vote thlâk nía polling station kalpui dan tur an sawiho a; mipui hnenah 'Vote thlak chu a him ngei a ni' tih hrilh tam a, vote thlak tura insàwm uar an rél. 

Kumar Abhishek chuan, Covid-19 léng kar­ah mipuiin him taka vote an thlak theih nan State Election Com­mission-in pawl hrang hrang aiawhte a sawipui tawh tih sawiin, "Serchhip district-ah pawh mipuite'n kokim leh him taka vote kan thlak theih nan ruahmanna siam a ngai a, Commission-in himna tur a duante leh sorkar thupek ding laite hre renga ruahmanna siam a ṭul a ni," a ti.

Ṭhutkhawmah hian, mipui hnenah 'Vote thlak chu a him ngei a ni' tih hrilh tam a, vote thlak tura uar taka insàwm ni se, an ti a; vote thlak tur upa te, damlo te, rualbanlo te, nau pâi leh nau pawmte chu intlar khawmuantir loa vote thlaktir nghal turin an rel.

Meeting-ah hian Ser­chhip SP R Sathi­yasun­daram, additional DC Lal­muansanga Ralte, Serchhip District NGO Coordination Committee, MPF, YMA Sub-Head­quarters YMA, MUP leh MHIP aiawhte leh MJA aiawhte an tel a ni.