Khawthlir

SYS director
Mizoram sorkar chuan nimin khan notification tichhuakin, Zothanmawia, MCS chu thla hnih chhung atan deputation-in Sports & Youth Services director atan dah a nih thu a tarlang.

MIRSAC tlawh
Planning & Programme Implementation secretary C Vanlalramsanga chuan nimin khan Mizoram Remote Sensing Application Centre (MIRSAC) a tlawh a, Remote Sensing leh Georaphic Information System hmanga an hnathawh dan a enpui. C Vanlalramsanga chuan hmasawnna atana ruahmanna ṭha tawk siam tur chuan science thiamna hmang tela ruahmanna siam a ngai tih sawiin, "Hemi kawngah hian MIRSAC hian hna ṭangkai tak a thawk a ni," a ti.

CM Relief Fund
Chief Minister's Relief Fund-ah Mizoram Secretariat Service Association-in Rs. 20,000 an chhung lut a, Transport Conductor Association-in Rs. 5,00 an chhung lut bawk.

Truck chesualah thi
Nimin zing dar 7:30 vel khan Buichali leh Lengpui inkar kawng thlangah truck chetsual vanga thi hnam dang pakhat chhar a ni. Lengpui V/C leh YMA hruaitute chuan, lirthei chesual a awm nia thu an dawn bawhzuiin lirthei chetsualna hmun an pan a, mitthi tih loh motor-a chuang dangte chu an lo tlanbo vek a ni.

NLUP hna enfiah
NLUP Implementing Board hotute chuan Janaury 15-17, 2015 chhung khan Hliappui, Pawlrang, Ngopa, NE Khawdungsei, Khawkawn leh Chiahpui khuate an tlawh a, NLUP ṭanpuina an dawn hmanga hma an lak dante an enfiah.

Phar vei 18
Kum 2014 chhung khan Mizoramah phar natna vei mi 18 hmuh chhuah belh a ni a, kum 2013 aiin phar vei hmuh chhuah hi paliin a tam a ni.