Mualcheng SU-in police an dem

Mualcheng Students’ Union (MSU) chuan thuchhuah siamin, an khuaa thil sual tihna thleng hrang hrangah North Vanlaiphai Police Station-a hriattir a ni a, FIR-te thehluh a ni chungin police-te chuan hma an la ṭha duh lo niin an tarlang a, "Mualcheng mipui hmuhsitna leh ram dan zah lohnaah kan ngai," an ti.

Mualcheng SU chuan, Mualcheng H/S office rawk a nih avangin January 13, 2015-ah N. Vanlaiphai PS-ah FIR thehluh a ni a, mahse police-te chuan an bawhzui ṭha duh lo niin an sawi a, a hnua a rawktu khawtlangin an man, police-a an pek pawh police kut aṭangin a tlanbo a, tun thlengin an la man leh lo niin an sawi. Naupang pawngsual chungchangah pawngsualtu man a ni chungin N. Vanlaiphai police-te chu an kal duh lawk lo a, district SP-in kal tura a hriattir hnuah an kal chauh niin an sawi bawk.