Kawng zawh buatsaih tur thlawp

Aizawl City Joint Block, local council leh unit nimina ṭhukhawm chuan MNF gen. hqrs-in Janua­ry 22 a thil man tihsan duh loh lantirna atana kawng zawh huaihawt an tum chu an thlawp thu an tarlang.

Aizawl City Joint Block, local council leh unit chuan, "Kan hotute’n, ‘Mipuite thlavang hauhna kawngzawh’ buatsaih na chang an hria hi lawm­awm kan ti. Congress sor­karin mi retheite phur rit belh-

­chhah a, mipui zawh tawk aia rita chhiah chi hrang hrang an khawn hi, a ṭul anga do zui zel kan tum. Total bandh leh kawng dang hmang­a sorkar nawr­na turah pawh jail tan huam­in ke pen kan tum," an ti.

Zu zawrh chung­chang­ah Aizawl khaw­puia MNF local council leh unit-te chuan, "Kohhran leh NGO te duh lo em em Congress sor­karin zu zawrh a thlang lui tlat hi kan dem a, kan duh loh takzet a ni," an ti a, sum tlakchhiat­na vawr­tawp a thlen mek avang zu zawrh tumah Congress sorkar an puh.