2014-ah zu vangin Mi 1,892 man an ni

Excise & Narctotics department chuan kum 2014 chhung khan Mizoram Liqour Total Prohibition (MLTP) Act hmangin mi 1,892 an man a, mi 2,400 thubuai an siamsak.

Kum 2014 chhunga MLTP Act hmanga Excise & Narcotics de­part­ment-in mi an mante hi kum 2013 aiin an tlem zawk a; kum 2013-ah chuan mi 2,470 an man. MLTP Act hmanga thubuai ziah luh pawh kum 2013 aiin 2014-ah a tlem zawk a, kum 2013-ah chuan mi 2,466 lak­ah thubuai an ziak lut a ni.

Excise & Narctotics department hian kum 2014 chhung khan sap zu leh spirit an man aṭang­in Rs. 1,58,60,777 an hmu a, an chawitir leh an mansak aṭangin Rs. Rs. 137,13,827 an hmu bawk.