Mizo history-ah inràwnkhawmna nei

Mizoram sorkar hnuaia din, Mizoram Institute of Advanced Studies (MIAS) chuan nimin khan an chairman Lal Thanzara, minister hoin CMO conference room-ah Mizo history zir nawn leh zir chian chung­changah inrâwnkhawmna an buatsaih.

Lal Thanzara chuan, khawvel leh hun lo in her danglam zelah Mizo history leh Mizo ṭobulte chiang lehzuala chhuia zir chian zawk dante a awm em tih ngaihtuahna rilru aṭang­in inrâwnkhawmna koh a nih thu a sawi a; mi­thiam kalkhawmte chu an ngaihdan sit lo a, zau taka sawiho turin a sáwm a ni.

Inrâwnkhawmnaah hian Mizo history kan neih mek chu thûk zawk leh ril zawka zir nawn dan tur an sawiho a, Mizo history ziak tawhte a dik tawk lo laite pawh chhui nawn a ṭul thu an sawi.

MIAS hi nakin zela sorkar laipui nen ṭangkawpa Mizorama Multi-Disciplinary Research Institute changtlung tak din chhohna tura Mizoram sorkar hmalakna a ni a; tunah hian New Secretariat Complex-ah office neiin bul an ṭan mek a ni.