Service provider-te leh MZP inkâwm

MZP chuan nimin khan an pisaah Mizorama mobile phone service provider hrang hrang hotute an kâwm a, Airtel, Aircel, Vodafone, Reliance leh Idea hotute an tel. MZP chuan, a thiam leh thei an awm chuan a tam thei ang ber Mizo chhawr turin an ngen.

Inkawmhona hi MZP president Lalhmachhuana'n a kaihruai a, meeting koh a nih chhante a sawifiah. Mizorama mobile phone service ṭha zawk a awm theih dan turte an sawiho a; Mizorama mobile phone la hman theih lohna hmunah a rang thei ang bera hman theih a nih theih nana ṭan la turin service provider-te chu an ngen a ni.

Meeting-ah hian, thawh chhuah la nei lo zirlaite'n ṭul loa mobile phone leh a kaihhnawiha sum an khawhral nasa lutuk a ziaawm theih nan a theih dan apianga awareness neihho dan tur an sawiho a; India ram pumah mi pakhatin thla khatah mobile phone hmanna atana Rs. 70 vel zel an hman lai a, Mizoramah mi pakhatin thla tin Rs. 250 vel zel an hmang anga chhût chhuah chu tihhniam a nih theih nana hmalakho an rel bawk.