Excise-in MLPC Act kengkawh mek
Excise & Narcotics department (END) chuan zu chungchanga dan thar, MLPC Act chu khawng takin an kengkawh mek a, mihring phur chi lirthei khalhtute breath analyser hmangin an endik ṭhin.
END hian MLPC Act-in a tarlan angin, phalna nei loa zu in leh rûite chungah dan angin kut an thlak mek zel niin an tarlang a, "Khualzin phur lirthei - maxicab, taxi, bus leh lirthei dang khalhtute a remchang ang zelin breath analyser hmangin zu an in leh in loh endik zel a ni," an ti.
END tarlan danin, MLPC Act hnuaia Court-in thiam loh a chantir mi ṭhenkhatte chu vantlang hna thawk tura hrem an ni a, Aizawlah chuan Aizawl Civil Hospital leh market area thianfaia hrem an awm nual tawh a ni. Nimin khan Mamit leh Kolasib-ah pawh vantlang hna thawk tura hrem mi pasarih an awm.