News Lawrkhawm

Hming tihdikna
Vanglaini January 19, 2015-a chhuakah January 18-a bike chesuala thi hming tihsual palh a awm a, mitthi hi K Lalfakawma, Ramthar Veng a ni a, ani hi bike hnunga chuang zawk a nih thu dawn a ni.

LSA conference
Lai Students' Association, Sangau Sub-Headquarters chuan Thawhṭanni aṭang khan Sa­ngauah conference an hmang a, parliamentary secretary H Zothang­lian­a'n a hman pui. H Zothangliana chuan zirlaite chu taima tak leh tuar­chhel taka an zirlai zir a, hlawhtlin tum turin a fuih a, "Chhel taka beih hram hramna hi hlawh­tlinna bul a ni," a ti.

Mei zu man
Lawngtlai District Anti Tobacco Squad chuan nimin khan Lawngtlai khawpuiah COTPA dan bawhchhia an awm leh awm loh an enfiah a, phal lohna hmuna mei zu mi 15 an man a, pawisa an chawi­tir nghal.

MLPC Act zirho
Excise & Narcotics stations, Champhai buatsaihin Thawhṭanni khan MPLC Act 2014 dan leh breath analyser hman dan zirho a ni. Training-ah hian Excise & Narcotics dept. leh police-te an tel a ni.