Ration card chuang liam a awm

Mizoram sorkar chuan thu­chhuah siamin, ration card chuang liam a awm nia hriat a nih thu a tarlang a; district civil supply officer (DCSO)-te chu an bial chhungah ṭheuhah ration card chuang liam an awm leh awm loh zawng chhuak tura hriattir an ni.

Sorkar chuan, end-to-end computerization hnuaiah ration card-te digitized mek a nih thu a tarlang a, "Tunlaiin Direct Benefit Transfer for LPG, Central sorkarin a kalpui mek leh hemi atana Mizoramin hma a lak mekna atan mi ṭhenkhatte'n ration card an lo ṭhen hrang tih hriat a ni a, tun hnuah chuan ration card siam thar leh ration card ṭhen hran hi tih tawh loh tur a ni," a ti. DCSO-te chu thupek zâwm vek tura hriattir an ni bawk.