Kolasib district legal aid clinic-te Kum 2014 ah mi 310 in an pan

Kolasib District Legal Aid Services Authority hnuaia legal aid clinic paruk chu kum 2014 khan mi 310 in an pan.

Kolasib district-ah hian legal aid clinic hi khaw paruk - Kolasib, Bairabi, Bilkhawthlir, Vairengte, Thingdawl leh Kawnpuiah awmin, hengte clinic-ahte hian mi 310 te hian dan anga an harsatnate chinfel a nih theihna atan para legal volunteer-te an pan a ni.

Hetihlai hian Kolasib district-a para legal volunteer 18 te tan Thawhṭanni khan Kolasib District Court-ah training buatsaih a ni.

Thusawitu H Lalduhsanga (MJS) chuan para legal volunteer-te chu mirethei leh khawsatheite dan hnuaia ang khata rorelsak an nih theihna tur atana harsatnate neite kawhhmuhtu an nih thu a sawiin, chungmite tan chuan an inhawn reng tur leh an huam chhunga mi an dikna chanvo chang lo an awm em tih enfiah ṭhin turin a chah.

Thusawitu dang Mizoram State Legal Services Authority secretary Joel Joseph Denga para legal volunteer-te chu crime compensation chungchangte pawh zir chiang tur leh pawngsual taw te leh BPL chungkua tualthite tan sorkarah ṭanpuina dawn theih anih thu leh zirchianga report thawn ṭhin turin a chah.

Training-ah hian zawhna leh chhanna hun hman a ni.