DCSO thubuai siam belh

Nikum lama Kolasib Supply kudam aṭanga buhfai ip 140 lak chhuah vanga suspend mek, Kolasib DCSO hlui PL Zohmingliana chu Kolasib Saidan-a buhfai man belh thuah man leh tura tih a ni a, mahse anticipatory bail a lak hman avangin man a ni rih lo.

Kolasib SDPO Lalro­hlua sawi danin, buhfai ip 140 tihchingpena puha man leh thubuai nei mek Kolasib DCSO hlui PL Zohmingliana chungchang chu police-te'n an chhui a, Supply department-ah chargesheet phalna an dil mek. Chargesheet thehlut tur hian Supply secretary-in phalna a ziah phawt a ngai nia thu dawn a ni.