Hlamzuih tihtawp remti

United Pentecostal Church (NEI) chuan hlamzuih chungchang General Conference, Executive Board leh Administrative Com­mittee-in vawi eng emaw zat an ngaihtuah hnuah tihtawp an remti.

UPC (NEI) chuan, Mizo Customary Law leh Mizo society-in hlamzuiha a dahte chu kohhrana hlan an ni tawh emaw, hlan an la ni lo emaw, kohhran mi leh sa dik tak an nih avangin, anmahni vuina/thlahna chu kohhranin a hmansak ngei tur a ni tih an sawi a, "Thil dang, khawn tesêp leh lumen leh an puala hun hman ang chite chu tualchhung kohhran leh khawtlang kalphung ang zel zui tur a ni ang," an ti.