Mizorama hripui kái chhâwng Ni 2 chhungin mi 18 an awm

Tun hnai ni hnih, October 16-17, 2020 chhunga Mizorama hripui vei hmuh chhuah mi 24 zingah Mizoram chhunga kái chhâwng (local positive contact) mi 18 an awm a; hripui an kai ṭanna hriat loh an awm nual bakah, Covid-19 symptom nei mi panga an awm.

October 16-a hripui vei hmuh chhuah mi 16 zinga mi 14 chu Mizoram chhunga kái an ni a, state pawn aṭanga rawn lût mi pahnih chiah an tel. Mizorama kái chhâwng mi 14 zinga panga chuan Covid-19 symptom an nei a; mi panga chu an kàina àwm hriat a ni lo.