Kolkata-a training turte thlahna hun hmang

Mizoram Building & Other Construction Workers Welfare Board leh Mizoram Youth Commission ṭangkawpin Kolkata-a Emporium Training & Consultancy Pvt. Ltd a training tura an tirh tur te chu nimin khan I&PR auditorium-ah thlah an ni a, Labour Employment & Industrial Training (LE&IT) minister Lalrinmawia Ralte in a hman pui.

Inthlahna hun hi LE&IT director Lalhmachhuana'n kaihruaiin, Lalrinmawia Ralte chuan training turte chu taima tak leh chhel taka awm a, ṭha taka training chhuak ngei turin a chah. Training tur hian Mizo ṭhalai 40 an kal dawn a ni.