Mamit district-ah inrálring

Nimin lam khan Assam aṭangin police leh civil mi ṭhahnem tak Mamit district lam panin an kal nia sawi a nih avangin Mizoram lama ramri hnaiha awm khaw mipuite pawh an inpun a, a ṭul anga hma la turin police-te an inring ve bawk.

Assam aṭangin police leh civil mi ṭhahnem takin Mizoram chhung, Thinghlun lam an pana hriat a nih avang hian lo hmachhawn turin Mizo IR sipaite leh ṭhalai ṭhahnem tak an inring ve bawk a; mahse, he thu ziah lai hi chuan buaina leh har­satna a thlen hriat a ni lo.

Thu dawn danin, nimin khan Assam aṭangin Karimganj SP hoin police 30 vel chu Thinghlun ramah an kal a, civil mi erawh hmuh tur an awm lo. Assam lam hian drone camera hmangin Mizoram lama mipui awm dan an en a ni.