Oil & Gas Conservation Fortnight

Hindustan Petroleum Corporation Ltd. (HPCL) chuan nimin khan Singson Filling Station-ah 'Oil & Gas Conservation Fortnight' an hmang a, Environment & Forest minister Lalrinmawia Ralte-in a hmanpui.

Lalrinmawia Ralte chuan, petroleum energy chu ral thei a nih thu sawiin, "Mihringin kan mamawh zat hi kum tin a pun zel bakah, kan hman nasat poh leh boruak a tichhe nasa a. Renchem taka kan hman a ngai a ni," a ti a; E&F department-in oil leh gas-in boruak a tichhe zel tur venna atan uar taka thing an phun ṭhin thu sawiin, mipuite chu boruak chhe lutuk veng tura thing phun uar turin a sáwm.

HPCL general mana­-

ger Dr DK Patnaik chuan, petroleum chu dam chhung daih a awm dawn lo niin a sawi a, "Petroleum product hrang hrangte hi renchem taka hman a ṭul. A bikin hmar­chhak state-ah phei chuan a ram leilung pianhmang avangin petroleum lak luh a harsa a, fimkhur leh renchem taka hman a ṭul bik hle a ni," a ti.

Oil & Gas Conservation Fortnight pual hian zirlai naupangte'n oil leh gas renchem a ṭulzia thu ziak hrang hrang kengin kawng an zawh a ni.

Ministry of Petroleum & Natural Gas ruahmannain Oil & Gas Conservation Fortnight hi January 16-31 chhunga hman tur a ni a, oil leh gas renchem a ṭulzia puanzarna atana tih a ni.