Health Minister leh Apollo hotute inkâwm

Health minister Lal Thanzara chu nimin khan a pisaah Apollo Gleneagles Hospitals, Kolkata business development manager Somnath Bhattacharya leh thawktu dangte nen an inkâwm.

Health Minister chuan, Mizoramin kal (kidney) lam thiam bik, nephrologist a la neih loh thu sawiin, Mizoramah kal lam natna leh kal thlak ngaite an tam tawh thu a sawi a; Apollo Gleneagles Hospitals aiawhte chuan, an damdawi-ina kal natna thiam bik doctor leh technician pahnihte'n a thlawnin Mizoram doctor-te training an neihpui theih thu Lal Thanzara an hrilh.

Apollo Gleneagles hotute chuan, chuap cancer chungchangah Mizoram sorkar nen ṭangkawpin Mizoramah awareness campaign buatsaih an duh thu an sawi a; Health Minister chuan, ruahmanna siam turin a lo hrilh a ni.

Inkawmhonaah hian Apollo Gleneagles Hospitals thiamna bik hrang hrang – thlîng thlâk (bone marrow transplant), thin thlâk (liver transplant), robotic surgery leh natna dangte enkawlna chung­chang an sawi a; Apollo hotute chuan, heng natnaahte hian Apollo Gleneagles chuan Mizoram sorkar hnathawkte tan credit facility an pek theih reng thu an sawi.