Serchhip district-a hnathawhte thlirho

Serchhip District Level Vigilance and Monitoring Committee chu nimin khan Serchhip DC committee room-ah chairman CL Ruala, Lok Sabha MP leh co-chairman Ronald Sapa Tlau, Rajya Sabha MP-te hoin an ṭhukhawm.

Meeting kaihruaitu Ronald Sapa Tlau chuan, Committee member-te chu hmasawnna hna thawh chungchangah Serchhip district tana hma latu bulpui ber, a hnuk an nih thu a sawi a, hmasawnna tak tak duhna thinlung púa hna thawk tur leh statistics leh data-te dik tak leh innghahna tlaka siam ṭhin turin a chah.

CL Ruala pawhin thu sawiin, phai ramah dil aṭangin sangha ṭha tak tak an thar chhuah theih laia Mizorama sangha dil awmte sangha thar chhuah a tlem leh a quality a hniam deuh bik ṭhin chu zir chian ṭula a hriat thu a sawi.