Central YMA-in ngenna a tichhuak
YMA Central Executive Committee (CEC) member-te chu nimin khan an ṭhukhawm a, ramria buaina thleng chungchang an sawiho. CYMA chuan, ramri chungchanga harsatna thlengah hian ngenna hrang hrang an siam a ni.
CYMA ngennate
1. Mizoram leh Assam ramri humhalh kawngah Mizoram sorkar chu ṭan la thar turin.
2. Ramri buai avanga ei leh in lâk luhna kawng dan hi hriatthiam har kan ti a, kan mamawh lak luhna kawng hi a tlang ngei theih nan hmalak ni rawh se.
3. Bihar inthlanna 2020-a kal tur Mizoram police-te hi economic blockade hlih a nih hma leh boruak a muanawm hma chuan kal lo tura hmalak ni se. Ramri buai avanga venghimtu police kan indaih loh em em laia hmun danga kal chhuak tura ruahmanna siam hi tihtawp a, venghimtu tam zawk indah belh ni se.
4. Ramri buai denchhena ni tin mamawh zuarte inchheprelh lo tur leh a man tisang lo turin.
5. Thu belhchian dâwl lo leh bulfûk nei lo thehdarh kawngah fimkhur a, mipui hruai sual thei laka mi tinte inveng ṭheuh turin.
6. Harsatna eng pawh lo thleng se hmachhawn thei tur leh tawrh a ṭul pawha tawrh huam turin.
7. Ramri buaina hmun leh hliam tuarte tlawh turin CYMA hruaitute kal ni se ṭha kan ti.