Hnam dang chhuak lo turin ti

Mizoram leh Assam ramria buaina chhuak avangin zirlai pawlte chuan Mizorama awm hnam dangte chu páwna chhuak rih lo turin an hriattir.

MZP Gen.Hqrs thu­chhuak angin, hmun hrang hranga MZP-te chuan an huam chhunga hnam dang awmte chu chhuak rih lo turin an hriattir a; hei hi an sahim zawkna atana ti an nih thu, MZP chuan an tarlang.

Hetih lai hian, sorkar hotute leh Central YMA chuan ramri buai avangin Mizoramah mipui ni tin mamawh lak luh a tàwp rih avanga thil man tito lo tur te, bungrua chheprelh lo turte leh mi dang kenna rilru nei turin mipui an ngen a; YMA branch eng emaw zat pawhin thuchhuah siamin, an huam chhunga mipuite chu thil man tisang lo turin an hriattir bawk.