ConMac 2015 sawi hawnna nei

Confederation of Indian Industries (CII) chuan February 27- 1 March chhung hian hmarchhak bial tan Guwahati-ah kawngpui sial leh lei dawhna hmanruate pho chhuahna, ConMac 2015 Roadshow a huaihawt dawn a; hemi chung­changah hian Ningani zan khan Hotel Floria-ah minister of state for PWD Lal Thanzara hoin sawi hawnna hun hman a ni.

Lal Thanzara chuan, hmanraw pho chhuahnaah chuan Mizo contractor leh engineer-te tel vein, hlâwkpui ngei se a duh thu a sawi a, Mizoramah World Bank suma kawngpui zau zawk siam mekah, khawl ṭha leh changkang mamawh a nih dan turte a sawi bawk.

ConMac 2015 Roadshow sawi hawnna hi Mi­zoram Chamber of In­dustries president K Lal­hmingthanga’n a kai­hruai a; ConMac 2015 chairman Glenville da Silva leh Anand Sundaresan, Leader, ConMac 2015-te'n ConMac awmzia an sawifiah.