Fai hnatlang rûnpui neih dan tur rêl

Nimin khan January 30, 2015-a 'Fai hnatlang rûnpui' neih tur chung­chang sawiho a ni a; meet­ing kaihruaitu Par­lia­mentary secretary (Edu­cation) Joseph Lal­­him­puia chuan, Mizo­ram chu India rama state fai bera siam tumin No­vember, 2014 khan Clean Mizoram Move­ment din a nih thu a sawi.

Joseph Lalhimpuia chuan, "State fai bera Mizoram siam tur hian School Education depart­ment chuan notifi­cation pawh chhuah a ni tawh a, ‘Fai hnatlang rûnpui’ pawh hi chu­mi hmalakna bul ṭanna pawimawh tak leh a hlawhtlinna kawng khat a ni ang," a ti.

Meeting-a rel a nih dan chuan, 'Fai hnatlang rûnpui' hi Chief Minister hoin zing karah ṭan hmasak a ni ang a, chumi hnuah, sikul ṭan hun zing dar 9:30 aṭangin Mizoram pumpuia khua leh veng tinah YMA-te kaihruainain sikul naupang leh tlawmngai apiangte'n an thawk chhunzawm dawn a ni.

Meeting-ah hian Aizawl Municipal Coun­cil chief executive officer M Zohmingthangi, School Education di­rec­tor H Lalengmawia, SCERT director Malsawm­thangi leh NGO hruaitute an tel a ni.