Gorkha-te'n dem

Mizoram Gorkha Youth Association (MGYA) chuan thuchhuah siamin, Mizoram leh Assam inrinaa ramri inchuh vanga buaina thleng chu pawi an tih thu an tarlang a, "Karimganj leh Cachar district-a dan leh thupek kengkawhtute chêt dan kan dem tak zet a ni," an ti.

MGYA chuan, October 17, Inrinni zana Vairengte leh Lailapur inkara buaina thleng chungchangah, "Kan Mizo unau hliam tuar an awm hi hriatthiam a harin pawi kan ti a, kan tawrhpui tak zet a ni. Hun khirh kan tawn mekah hian sorkar, Mizo unaute leh NGO-te rualin an au hla zawmin an kiangah kan ding nghet tlat a ni," an ti. 

MGYA hian ramri buai kaihhnawiha a ṭul anga hman turin MZP Gen Hqrs hnenah Rs 10,000 an hlan a ni.