Harsatna awm pawi ti

Assam Rifles Ex-Servicemen Association chuan thuchhuah siamin, tunlaia Assam Rifle leh Mizoram sorkar inkara harsatna awm palh chu pawi an tih thu an tarlang.

AR Ex-Servicemen Asso­ciation chuan, "Sorkar, AR leh MHA hotute pawhin harsatna chinfel tumin inbiaknate an nei a, theihtawp an chhuah mek. Chutih laiin, sorkar leh sorkar inkara harsatna thleng mek avangin AR-a Mizo sipai ṭang mek leh sipai báng tawh mi sang tam tak awm vete hian kan hnampui Mizote ngei lak aṭangin nasa taka beihna kan tâwk mek a ni. A hnam ang záwng leh mimal taka inbeihna hi chu tàwp tawh se kan duh hle," an ti.