SSC hnuaia exam inzirtirna hun hmang

Staff Selection Commission (SSC) leh Mizoram sorkara DP&AR ṭangkawp chuan Inrinni khan Vanapa Hall-ah sorkar laipui hnuaia hna awmte thawk thei tura SSC-in examination chi hrang hrang a buatsaih ṭhin chungchang inzirtirna an buatsaih a, zirlaite leh ṭhalai ṭhahnem tak an tel.

'Awareness campaign on job opportunities' hi Prime Minister duh dan anga buatsaih a ni a, hmarchhak bial mite'n SSC hnuaia exam-te an paltlang a, hna tam zawk an hmuh theih dan tur inhrilhfiahna a ni.

Awareness campaign-ah hian SSC chairman A Bhattacharya bakah, sorkar laipuia Personnel & Training director G Jayanthi te, NEC adviser M Iboyaima Meitei leh hmarchhak biala SSC regional director Debolina Thakur ten thu an sawi a; Mizoram sorkar aiawhin DP&AR secretary Arun Goyal-in thu a sawi bawk.

SSC regional director Debolina Thakur chuan a lem nena entirin SSC hnuaia exam paltlanga hmarchhak biala ṭhalaite'n hna an dil theih dan leh exam an hmachhawn dan turte a sawifiah a; zawhna leh chhanna hun hman a ni bawk.