Dawrpui-in PIL thehluttu dem

Dawrpui Multipurpose Centre Committee chuan thuchhuah siamin, Aizawl Civil Hospital (ACH) ram Dawrpui khawtlang hnena pek vanga High Court-a petition thehluttu, Vanram­chhuangi, Chal­tlang chu ACH-a Trauma Centre leh Multipurpose Centre tihpuitlin a nih lohna tura harsatna siam luiah an puh a, an dem thu an tarlang.

Dawrpui Multipurpose Centre Committee (DMCC) chuan, Multipurpose Centre chu Mizoram mipui tana ṭangkai tur nia sawiin, a ṭhatna turte chu High Court-a PIL theh­luttu chuan a haider tlai niin an sawi a ni.

DMCC chuan, PIL chu High Court-in a ngaihtuah hnuah, Mizoram chief secretary chu a chinfel dan ngaihtuah turin thu a pe tih an sawi a, "Chief secretary kaihhruai Committee chuan Dawrpui Multipurpose Centre ram chu ACH Trauma Centre sakna turin a sahthlak a. Hei hi duhtawk loin, senior lawyer ruai lehin, Court-ah a zualko nawn leh mek a ni," an ti.