Kum 2002 aṭangin buhfai man FCI-in ṭum ruk a tisang - FCS&CA Minister

Food Civil Supply & Consumers Affairs (FCS&CA) minister John Rotluangliana chuan kum 2002 aṭangin Food Corporation of India in buhfai man ṭum ruk a tisang tawh tih a sawi.

John Rotluangliana hian tun hnaia a bial chhung khaw hrang hrang a tlawhnaah thu sawiin, "FCI aṭanga buhfai leina hnuhnung ber hi quintal khatah Rs.2981 a ni a, tuna kg. 1 Rs.15 a ni chung hian sorkar chuan mipui tana subsidy a pek chu Rs.10.75 a la ni," a ti.

Direct Benefit TRansfer for LPG (DBTL) Consumers Scheme chung­chang sawiin FCS&CA Minister chuan Petroleum & Natural Gas Ministry duh dan anga eirawngbawlna gas a man tlawma lei duh zawng zawngte chu he scheme zawm tur leh March 2015 hma ngei a bank account hawng a, tihfel ngai leh thehluh ngaite ti fel vek turin a chah.