Kawng siam phûtin puan dum an zar

Lunglei South Ṭhalai Kawng Ṭha Duh Pawl chuan an huam chhung, Lunglei Ramthar Veng AOC aṭanga Zobawk inkar kawngpui siamṭhat thuai a nih loh vanga lungawi lohna lantir nan leh kawng chu siam thuai tura sor­kar an phût tih lantir nan,

Republic Day-ah an huam chhung veng hrang hranga in tinah flag dum an zár.

Lunglei South Ṭhalai Kawng Ṭha Duh Pawl chuan kawng siam tura an ngenna ngai pawimawha sorkarin hma a la chu lawmawm an tih rualin, March 15, 2015 ral hma ngeia kawng siam ṭan a nih loh chuan nasa zawka lungawi lohna lantir an tum thu an puang.