MPC councillor thlauhthlak tum?

MPC ṭhalaite chuan thuchhuah siamin, MPC party aṭanga Aizawl Municipal Council councillor pahnih - C Lalsawivunga leh PC Lalruatsanga chu an thawhpuite'n thlauh­thlak tumin ṭan an la niin an tarlang a, hriatthiam harsa an tih thu an sawi.

MPCY chuan, "C Lal­sawivunga leh PC Lal­ruatsanga ten rinawm taka party pathumte thawhhona thuthlung an kalpui reng laia an thawhpuite'n an party hamṭhatna dâltuah ngai a, hnawksak tia thlauh­thlak tuma hmalakna an nei ta mai hi MPCY gen. hqrs chuan hriatthiam harsa kan ti a, kan dem tak zet a ni," an ti.

MPCY chuan, an party aṭanga AMC councillor-te chu an thawhpui party-te'n an rahbeh an remti ngai dawn lo tih an sawi a, "Ar talh dan chi khat chauh a awm lo tih hi an thawhpui party-te hian lo hria se kan duh tak zet a ni," an ti.