Lei dawhna tur hmanrua tangkhang

Sihhmui leh Lengpui inkar Tlawng luia lei chim dawh ṭhatna tur hmanraw chah belh, Kolkata-a Garden Reach Ship Builders & Engineers Ltd. aṭanga rawn thawn chu West Bengal leh Assam inrina checkgate-ah West Bengal Custom & Excise mite'n an hrêng rih.

Thu dawn danin, lei dawhna hmanrua hrên a nih chhan hi thil tih fel loh a awm vang a ni a, ching­fel turin PWD executive engineer (Mechanical Division) Bhattacharya chu a thang mek a ni.

EE Bhattacharya chuan, hmanruate chu Mizoram panpui theih thuai a beisei thu a sawi a, mahse a hma berah ni 10 hnuah chauh Mizoram a thleng thei dawn nia sawiin, hmanrua zawng zawng a awm kim vek hma chuan lei siamṭhat hna ṭan theih a ni lo tih a sawi bawk.