Champhaiah ram dilna 271 pawm

Champhai Town Land Committee chuan nimin khan additional DC K Zorammuana hoin DC conference hall-ah an ṭhukhawm a; Champhaia house pass, periodic patta leh land lease dilna 271 an pawm.

Ṭhutkhawmah hian dilna lut 278-te chu Land Revenue & Settlement department zirchianna leh record neihte behchhanin an enfiah a, dilna 271 an pawm a; dilna pasarihte erawh chu document thehluh kim loh vang te, Land Committee-in a pek theih chin aia zau a nih vang leh ramri tihchian a ngaih avangin ngaihtuah ṭhat turin an dah.

Settlement officer Lalhruaitluangi tarlan danin, Champhai khawpuia veng 16 aṭangin house pass dilna 163, periodic patta dilna panga leh land lease dilna pali, a vaiin dilna 278 a lut a ni.

Ṭhutkhawmah hian a kaihhnawih sorkar department hotu te, village council, prominent citizen leh political party aiawhte an tel.