Khawthlir
PMEGP training
Prime Minister's Employment Generation Programme (PMEGP) loan hmanga eizawnna hnathawh tumte tan, nimin khan Multi Disciplinary Training Centre, Zemabawkah 'Entreprenuer Development Programme Training' buatsaih a ni a, KVI Board chairman K Lianzuala'n a hawng. PMEGP hnuaia loan puk turte hi mipa 26 leh hmeichhia 39, an vaiin 65 an ni.
MAL-in ngen
Mizo Academy of Letters (MAL) chuan kum 2014 chhunga Mizo iráwm chhuak lehkhabu ṭha, Book of the Year 2014 thlanna an neih turah lehkhabu ziaktu leh chhuahtute chu an lehkhabute MAL office-a pe turin an ngen. MAL chuan, lehkhabu kum 2014-a chhuah hman loh, mahse a káwm chhunga kum 2014 chhuak anga ziah leh January 31, 2015 hmaa tlangzarh chin pawm theih a nih thu an tarlang.
Luah vek intiam
Kolasib District urban development officer, Andrew Lalhruaia chuan nimin khan Kolasib Venglai-a IHSDP scheme hnuaia in sak, luah loha awmte a tlawh a, in sak ṭanpuina dawngtute chu an in sak an luah duh loh emaw, an sa pum thei lo a nih chuan an in sak chu ṭhiah mai a ṭul tur thu a hrilh. In sak ṭanpuina dawngtute hian an in chu February 15 hmaa luah vek an intiam a ni.
NLUP sem
Lunglei District Agriculture Office chuan, nimin khan an department hnuaia NLUP ṭanpuina dawngtu tur mi 127 hnenah ṭanpuina sum an sem. NLUP dawngtute hi WRC-I thlangtu mi 61, WRC-II thlangtu chhungkaw 42, oil palm thlangtu mi 12 leh fu chìn thlangtu chhungkaw 12 an ni.
Mei zu vai
Serchhip District Anti Tobacco Squad chuan, nimin khan Serchhip khawpuia office hrang hrang fang kualin, COTPA bawhchhia an awm leh awm loh an enfiah a, phal lohna hmuna mei zu man an nei lo.