Science & Technology lungphùm phúm

Finance minister Lalsawta chuan nimin khan Secretariat Complex-ah Science and Technology directorate building sakna tur lungphùm a phúm. Lalsawta chuan, ram dangte ruala ke pên tur thu science thiamna hman ṭangkai a ṭul thu a sawi.

Lalsawta chuan, tunlai khawvel ṭhang zelah sceince thiamna hman ṭangkai zel a pawimawh tih a sawi a, "Hmasawnna tluantling nei turin scientific based plan neih a ngai a, hemi atan hian science leh technology hmanga rua­hmanna ṭha kan neih zel ka beisei," a ti.

Minister chuan, Science and Technology directorate building thar chu sak zawh a nih hunah science leh technology thiamna hmanga Mizoram hmasawnna tur buatsaihna hmun pawimawh tak a nih a beisei tih a sawi bawk.

Ruahman dan chuan, Science & Technology directorate building hi cheng nuai 538.53 sênna tur a ni a, chhawng ruka sak tum a ni.