Nirupam-a'n Congress bansan

Mizoram sorkara minister hlui Nirupam Chakma chuan nimin khan Chakma District Congress Committee president hnenah CDCC adviser a nihna leh Congress party aṭanga a bânna lehkha a thehlut. Nirupam Chakma hian a bânna lehkhaah Congress party a chhuahsan chhan a tarlang lo a ni.

Zawhna chhangin Nirupam Chakma chuan, "Mipui rawngbawl ka duh a, mahse Congress party-in mipui rawng­bawl an duh tawh loa ka hriat vang leh pawl dang hmanga mipui rawngbawl ka duh avanga báng ka ni," a ti a; party zawm a tum erawh chu a la tifel lo tih a sawi thung.