Tlangnuam Vengthar Local Council indan remti

Aizawl Municipal Council-a councillors-te chuan nimin khan AMC Session Hall-ah Board of Councillors (BoC) meeting an nei a; Tlangnuam Local Council aṭangin Tlang­nuam Vengthar Local Council indantir an remti.

AMC BoC meeting hi AMC chairman Zar­zo­liana'n a kaihruai a; local council thar dil veng pangate dilna an ngaihtuah a ni. Tlang­nuam LC aṭanga Tlang­nuam Vengthar LC indan dilna chu an sawiho hnuah an pawm a; veng dangte dilna erawh an pawm rih lo. Tlangnuam Vengthar LC indan dan tura enfel ngai leh bawhzui ngai awmte chu bialtu councillor, Ramhlunsanga hoa bawhzui turin an dah a ni.

AMC BoC mee­ting hian AMC Site Development and Slope Modification Regulations, 2014 duan chu a thu­phungin ṭha an ti a; an dan duan tharah hian thla khat chhung sawiselna hun hawn a ni ang.