Chakmate'n birth certificate lem an neih loh nana hma la turin sorkar ngen

MZP sub-headquarters, Tlabung chuan thuchhuah siamin, Bangladesh aṭanga Mizorama dan loa pêm lut Chakmate birth certificate siamsak an nih tawh loh nan leh birth certificate lem an neih tawh loh nana hma la turin Mizoram sorkar an ngen.

Tlabung MZP chuan, hun rei tak aṭang tawhin Bangladesh aṭanga dan loa Mizorama lut Chakma-te'n birth certificate lem an siam ṭhin tih an sawi a, "Births & Death registrar-ah Chakma mi an awm ṭhin avangin hetiang hi a hluar hle a, MZP pawhin theihtawpin kan chhui zui ṭhin," an ti.

Tlabung MZP-in an chhui zuinaah, Chakma foreigner pariat, birth certificate lem nei an hre chhuak a, police-te'n man an tum mek laiin an ram Bangladesh-ah an tlanbo hman niin an sawi a; khaw ṭhenkhata Birth & Death Registrar atana Chakma dahte chu Mizo hnam tan a him loh avangin, Mizo ngei dah ni se an duh thu an sawi bawk.