MPCY-in AMC vice chairman an chháng

MPC ṭhalaite chuan thuchhuah siamin, MPC councillor-te chung­changa Aizawl Municipal Council vice chairman Lalrinenga Sailo-in MPC ṭhalaite thu hre chiang lo leh belhchian dâwl lo chhuaha a puh chu hriatthiam harsa an tih thu an tarlang a, MPC councillor-te chungchanga an thuchhuah chu thu dik a ni tih an sawi.

MPCY chuan, Lalrinenga Sailo chu opposition councillor ṭhenkhatte chaw eia sâwmah ah puh a, "MPC councillor-te thlauhthlak a, sorkar thar siam tuma a hmalakna zawng zawngte hi thu dik, belhchian dâwl a nihzia hmaichhana sawipui kan ngam," an ti.

MPC ṭhalaite chuan, Lalrinenga Sailo chu a party pui, MNF councillor zinga mi thlauhthlak tum bawkah an puh a, "Páwn lam aṭanga thlawptu tur a sawmna zawng zawng pawh a ṭul ang zelin kan lo hrilh thei ang tih hi lo hria se kan duh a ni," an ti.

MPCY chuan, AMC vice chairman chu fimkhur turin an ngen a ni.