Hmun pali-ah heroin man

Champhaia Excise & Narcotics department-a Anti-Narcotics Squad-te chuan nimin khan New Champhaiah heroin gram 10 leh a neitu, Vanrammawii (30) d/o Lal­duha, Rahsi Veng, Lunglei nia insawite an man.

Nimin vek khan Champhai Veng­thlangah heroin bûr khat leh a neitu Zo­hmingliana (37) s/o Lianzama, Khaw­zawl Vengthar nia inchhal an man bawk.

Aizawla END Anti-Narcotics Squad-te pawhin January 27 khan Ramhlun South-ah heroin gram 10 leh a neitu Samuel Lalthanhruaia (21) S/o Lallian­chhuana, Ramhlun South nia inchhál an man.

Thawhlehni vek khan Vaivakawnah heroin gram 29 leh a neitu Lallianveli (37) d/o Runrosanga, Tahan, Myanmar, tuna Champhai Electric Venga khawsa mek nia inchhal an man. Heroin vanga mante hi NDPS Act hnuaiah thubuai siamsak an ni.