Covid-19: Mizoram dinhmun Covid-19 kai tawh zat - 1,040

September 2-a ZMC-a Covid-19 vei hmuh chhuah mi 17-te chu sipai vek an ni a; an zinga mi 16 chu Mizorama awm mek paramilitary force mi, quarantine centre-a awm lai vek an ni. Mi pakhat erawh chu Mizo sipai, Assam Regiment-a mi, tun hnaia Jammu & Kashmir aṭanga rawn haw, Lawipu quarantine facility-a awm lai a ni thung. Hripui vei hmuh tharte chu Covid-19 symptom nei lo vek an ni.

Nimin khan hripui vei zinga dam tawh mi 10 chu CCC aṭangin chhuahtir an ni a; Nursing School CCC, Serchhip aṭanga chhuahtir BSF mi leh sa paruk leh Polytechnic CCC, Thingdawl aṭanga chhuahtir mi pali - truck driver/handyman pathum leh IR police pakhat an ni.

Covid-19 +ve la ni chunga September 1, 2020-a chhuahtir mi pariat zinga pasarih chu CCC, ITI, Aizawlah dah luh leh an ni tawh a, Bihar lam mi pakhat erawh chu hmuh zawh a ni lo a, Bihar lamah a haw hman tawh nia an hriat thu, Health department official-te chuan an sawi.