Covid-19 chungchang MJA-te zirtir

Lawngtlai Chief Medical Officer (CMO) pisa chuan CMO Dr LC Liana hoin nimin khan CMO conference hall-ah Lawngtlaia MJA member-te pualin Covid-19 lêng mek chung­changa hriat tur pawi­mawhte zirhona an buatsaih.

CMO Dr LC Liana'n Co­vid-19 chungchanga hriat tur pawimawhte a sawifiah a; Covid-19 léng kaihhnawihah thuthang chi hrang hrang, mipui tichî-âi thei a léng nasa tih sawiin, "Chutiang karah chuan thu dik leh belhchian dâwl thehdarh turin journalist-te'n thu dik tak an hriat a pawimawh," a ti.

Mizorama rawn lut tur bung­raw phurtute chu ramrî-ah ngun taka enfiah vek an ni tih sawiin Dr LC Liana chuan, "Lawngtlai an rawn thlenin hlauhthawn tur a awm lo a, an bungrua aṭang pawhin hri kai a hlauhthawnawm lo a ni," a ti a; chutih rualin, sorkarin inkaihhruaina a siamte chu ṭha taka zawm a pawimawh thu a sawi.

Workshop-ah hian Co­vid-19 chungchang leh a dona leh enkawlna kawnga Indian Council of Medical Research (ICMR) leh Mizoram sorkarin inkaihhruaina a siamte zirho a ni a, zawhna leh chhanna leh sawihona hun hman a ni.