MPF leh political party inkawm

Mizorama inthlanna dik leh fel fai a awm zel theih dan tur nimin khan Mizoram People Forum (MPF) leh political party-te'n Synod conference hall-ah an sawiho.

Sawihona hi MPF president Rev. Lal­rinmawia'n kai­hruaiin, inthlanna-a MPF leh political party-te thawh­hona thuthlung lo awm tawh sa chu an ennawn bakah, tun hnaia village council leh local council inthlan tur te, kumin kum tawpa Aizawl Municipal Council inthlan lo awm tur te, Autonomous Dis­trict Council inthlan lo awm tura thawhho dan turte an sawiho nghal a ni.

MPF leh political party hruaitute hian thawhhona thuthlung an lo hman tawhte chu la ṭha thawkhatah an ngai a, thuthlung hi ziah thar leh ṭha an tih thu an sawi rualin, political party aiawhte chuan an party ṭheuha sawi ho ve ni se, an ti.

Political party hrang hrangte hian MPF nena thawhdunna thutlung chungchang hi an party ṭheuha an sawiho hnuah meeting neih leh a ni ang.