Kum 2014 ah TB vangin mi 36 an thi

Ngawr (TB) enkawl­na chungchang thlirletna chu nimin khan Tourist Lodge -ah Health prin­ci­pal director Dr. K Ropari'n a hawng. Thir­letnaah hian Kum 2014 chhung khan Mizoramah TB avangin mi 36 an thih thu tarlan a ni.

Dr. K Ropari chuan TB chu natna chi khat ve mai a nih avangin, a veite thin hrik loa, ṭha taka enkawl a pawimawh thu sawiin, "TB enkawlna RNTCP hi National Health Programme-ah chuan programme ṭha ber a ni. RNTCP hnuaia enkawl ni lo damlote'n TB natna an thehdarh theih avang leh sorkar laipuiin hriattirna a tihchhuah tawh angin, private hospital leh private-a clinic neite pawhin TB vei an lo hmuchhuak anih pawhin, RNTCP hnuaiah hriattir zel tur a ni," a ti.

Meeting-a tarlan a nih danin, kum 2014 chhung khan TB vei nia rinhleh mi 9,111 exam an ni a, heng zinga 1,933 chuan TB an vei tih hmuhchhuah niin, mi 36 in an thih phah a ni..

Review meeting-ah hian district hrang hrang aṭangin District TB officers, District PPM coor­dina­tor, senior treat­ment supervisors, leh DOT Plus supervisor-te an tel a ni.