Warrant of precedence huaisen taka siam a ngai - Chief Minister

GAD changtu chief minister Zoramthanga chuan, state leh central sorkar official function-a lal dan indawt, warrant of precedence chu huaisen taka siam a ngaih thu House a hrilh.

MNF member Lawmawma Tochhawng zawhna kal zela INC member C Ngunlianchunga zawhna chhangin Chief Minister chuan, "Warrant of precedence hi state dang pawhin an siam ṭha duh vak lo. Keini pawhin kum 1990-a mi kan ring ngar ngar. Kum 1990-a la awm lo, nihna pawimawh tak tak a awm nual tawh," a ti.

Zoramthanga chuan, warrant of precedence chu tun hnaiah an siamṭhat chhin thu sawiin, "A fel lo em em a, chuvangin, hman rih loh tura tih a ni. Tuna kan hman mek chu kum 1990 a ni a, a rei tawh deuh a, huaisen deuha siam chu a ngai a ni," a ti a; political party-te pawh inrâwn khawm a, warrant of precedence chu siam-

ṭha a tih thu a sawi.

Chief Minister chuan, a ngaihdanah chuan, mipui thlan lalte chu warrant of precedence-ah dah lal tur an nih thu a sawi a, "Mipui aiawhte chu kan ngai pawimawh tur a ni," a ti.