Police-te hnathawh ropui ti

MZP hqrs., Zawlnuam chuan thuchhuah siamin, tunhnaia Zawlnuam leh a chhehvela dawr tam tak leh primary school rawktute an inkulhna hmun aṭangin Zawlnuam police-te'n an man thu tarlangin, "An hnathawh hi ropui kan ti hle," an ti.

Zawlnuam MZP tarlan danin, police-in rukru an man te hi Tuikuk vek an ni. Rukru an man te chu - Niron Joy Reang(34) s/o Dosorot Reang(L), 2) Siakneihlal (32) s/o Ramhluna, Palon Joy (36) s/o Dosorot Reang (L) leh Nobin Joy(23) s/o Puran Joy te an ni a, an vai hian Sontipur, North Tripura a mi te an ni.

Zawlnuam MZP chuan an khua chu khawthlang lama khaw lian ber a nih bakah Chakma, Tuikuk leh hnamdangte nen inngheng renga awm an nih avangin Zawlnuam police outpost hi tun aia lian zawka thuamthar sak turin sorkar an ngen.

Thudawn danin, heng misual palite hian Zawlnuam Borai Venga Govt. Primary School office bakah, Ṭhuampui Veng­a Rala dawr te, nikum Bungṭhuam khuaa Kap­thanmawia dawrte leh Zawlnuam Borai Venga C Lalduhsanga dawrte an rawk a ni.