Hostel-a awm tura nawr luih an awm - MZP

MZP chuan thu­chhuah siamin, private school ṭhenkhatah zirlai naupangte hostel-a awm tura nawr luih an nih thu tarlangin, ṭha an tih loh thu an sawi.

MZP chuan zirlai naupangte hostel a luh chungchang chu zirlai naupang leh nu leh pate duhthlanna ni tura an ngaih thu sawiin, "An duh­thlanna pawh ni lo tihluihna hmanga, hostel a lut tura sikul thu­neituten an nawr ṭhin hi kan ngaimawh tak zet a ni. Hostel a luh chung­chang­ah chuan zirlai naupangte tana harsatna siam lo a, zirlaite leh nu leh pa te duh dan zah sak turin hetiang tih ching sikul thuneitute chu kan ngen tak meuh meuh a ni," an ti.

Board exam hma­chhawn mai turte chhan hrang hrang chhuanlam a hmang a exam an hmachhawn theihna atana MBSE-in admit card a siamsak, zirlaite hnen a pe chhuak duh lo sikul pawh an awm ṭhin thu sawiin,zirlaite chu admit card pekchhuah chung­changah leh hostel a luh chungchangah harsatna an nei anih chuan MZP pisa-a in report turin an ngen.