National Games-a Medal late duhsak dawn

Mizoram State Sports Council (MSSC) chuan tun hnaia India ram pum huap inelna chi hrang pathuma medal late lawmpuina hun a buatsaih a; he hunah National Games lo awm tura Mizoram aiawha gold medal late hnenah lawmman Rs. 3,00,000 pek a nih dawn tur thu tarlan a ni.

Inkhawm kaihruaitu, MSSC secretary C Lal­tlanthanga sawi danin, National Games-a Mi­zo­ram aiawha gold medal la hnenah Rs. 3,00,000, silver medal la hnenah Rs. 2,00,000 leh bronze medal la hnenah Rs. 1,00,000 pek a ni dawn. Team event-a gold medal late'n Rs. 30,000, silver medal-ah Rs. 20,00 leh bronze medal-ah Rs. 10,000 ṭheuh an dawng ang.

Medal lawmna hunah hian December, 2014 chhunga Haridwar, Uttarakhand-ah Natio­nal Junior Judo Cham­pionship, 2014-15 neiha - judo, sepaktakraw leh boxing-a medal la mi 17 leh official mi palite lawmpuina hlan an ni a; khuallian Lalrinawma, MLA-in lawmpuina thilpek a hlan a ni.