Hawla'n MNF-te â derah a puh

MPCC president Lal Thanhawla chuan, MNF-te'n 'Mipui thlangvang hauhna kawngzawh' an huaihawt chhan chu an ât der vangah a puh.

Lal Thanhawla hian nimin khan Congress Bhavan-a inkhawmah thu sawiin, buhfai man tihto a ṭul chhan te, leiman tihto a ṭul chhan te, thisen sawngbawlna atana processing fee lak a ṭul chhan leh thil dangte chu MNF-te'n an hrethiam vek niin a sawi a, "An hre lo a ni lo. Muhil der kaihthawh an har ang chiah hian an hre lo der a ni," a ti.

Congress party lo chu Mizoram hmasawnna atana hna thawh nei an awm lo nia sawiin, MPCC president chuan, an party mite chu Congress party hnathawh chu chapopui lo a, chuang turin a chah a ni.