Supply Minister hoin DBTL sawiho

Supply minister John Rotluangliana hoin nimin khan Secretariat conference hall-ah Direct Benefit Transfer of LPG (DBTL) scheme chungchang sawiho a ni.

John Rotluangliana chuan, DBTL scheme chu thil thar, mipui khawih thil a nih thu sawiin, "Thil hriat sual vang te, sual vang reng ni loa thil tihsual awmte chu siamṭha tur leh fel leh dik thei ang bera he thil hi kalpui a nih theih nan inep lo a, thawhhona ṭha awm theih nan meeting hi koh a ni," a ti.

DBTL scheme hnuaia inziak lut leh bank lama tihfel tawhte chuan he scheme hi an hmang thei tawh a, a subsidy zat chu an bank account an thun zel tawh a ni.

Meeting-ah hian parliamentary secretary (Supply) TT Zothansanga, Supply secretary R Lalvena, Aizawl DC aiawh, gas agency neitu te, SBI, MRB, MCAB aiawhte leh Mizoram Consumer Union hruaitute an tel a ni.